Presidenti amerikan, Donald Trump, ka sfiduar rivalin demokrat, Joe Biden, me kryerjen e një testi droge përpara debatit të tyre të parë që mbahet muajin e ardhshëm.
Kreu i Shtëpisë së Bardhë tha për “Washington Examiner” se kishte vënë re një përmirësim të menjëhershëm të Biden në debatet televizive.
Presidenti nuk dha asnjë provë që rivali i tij mund të ishte nën efektin e drogës, por thjesht pohoi se “është shumë i mirë në kuptimin e këtyre situatave”.
Biden dhe Trump do të kenë 3 debate televizive përpara zgjedhjeve të 3 nëntorit. Edhe në zgjedhjet e 2016, Trump sfidoi rivalen Hillary Clinton me testin e drogës, por demokratja e anashkaloi atë./Opinion.al
