Donald Trump ka reaguar ndaj aktakuzës së tij të fundit, duke e quajtur atë një “gjueti shtrigash” dhe duke sulmuar Prokurorin e Qarkut Fulton Fani Willis si “racist dhe të korruptuar”.
Me anë një postimi në rrjete sociale, Trump dënoi atë që ai e përshkroi si një “gjueti shtrigash” të motivuar politikisht.
Trump tha se do të mbajë një konferencë shtypi në New Jersey të hënën, në lidhje me akuzat e lëshuara ndaj tij së fundmi.
“Një RAPORT i gjatë, kompleks, i detajuar por i pakundërshtueshëm mbi mashtrimin e zgjedhjeve presidenciale që u zhvillua në Xhorxhia është pothuajse i përfunduar dhe do të prezantohet nga unë në një konferencë në orën 11:00 të hënën e javës së ardhshme në Bedminster, Neë Jersey.
Bazuar në rezultatet e këtij Raporti Përfundimtar, të gjitha akuzat duhet të hiqen kundër meje dhe të tjerëve. Do të ketë një shfajësim të plotë. Ata nuk shkuan kurrë pas atyre që manipuluan zgjedhjet”, u shpreh Trump.
Ish-Presidenti po akuzohet për një sërë krimesh duke përfshirë shkelje të ligjit të shantazhit të Gjeorgjisë, së bashku me konspiracion për të kryer deklarata dhe shkrime të rreme, dhe komplot për të kryer falsifikim në shkallën e parë.
Trump po përballet gjithashtu me akuza penale për një hetim të veçantë federal në përpjekjet për të përmbysur rezultatin e zgjedhjeve të vitit 2020, një hetim të dokumenteve të klasifikuara dhe një rast për paratë e heshtura në Nju Jork./Opinion.al
