Ish-presidenti amerikan Donald Trump ka reaguar publikisht për shpalljen e akuzave ndaj tij.
Nga një tubim në Xhorxhia, Trump deklaroi se aktakuza e tij është një fushatë e motivuar politikisht. Trump akuzoi prokurorët se nuk kanë prova dhe e gjitha kjo po bëhet që ai të mos rizgjidhet si President për 2024.
“Akuza qesharake dhe të pabaza ndaj meje nga Departamenti i Padrejtësisë. Ju jeni duke parë Joe Biden. Biden po përpiqet të burgos kundërshtarin e tij kryesor politik, një kundërshtar që po e mposht shumë në sondazhe, ashtu siç bëjnë në Rusinë staliniste apo Kinën komuniste.”
Komentet e tij erdhën pasi prokurorët ngritën një aktakuzë prej 37 pikash kundër tij, se ish-Presidenti Donald Trump ka kryer shkelje në mënyrën se si ka trajtuar dokumente të klasifikuara që përfshinin informacione në lidhje me programin e fshehtë bërthamor të SHBA-së.
