Në samitin që është duke u mbajtur në Londër liderë të Francës, Kanadasë, Britanisë dhe Holandës janë xhiruar duke u tallur me Presidentin amerikan Donald Trump.
Diçka e tillë nuk është pritur aspak mirë nga Presidenti amerikan dhe reagimin e tij e ka treguar gjatë takimit të tij me kancelaren gjermane Angela Merkel.
Trump u shpreh vetëm për kryeministrin Kanadez, Justin Trudeau, të cilin e ka konsideruar person me dy fytyra.
“Është njeri i mirë, por e vërteta është se u zemërua sepse i thashë që nuk po paguante 2% për NATO-n”,- u shpreh Trump.
Gjithashtu është bërë e ditur se gjatë qëndrimit të tij në Londër, Trump është takuar edhe me presidentin turk, Rexhep Tayyip Erdogan. Ata kanë biseduar rreth Sirisë dhe militantëve kurdë./Opinion.al/
