Presidenti Donald Trump ka hedhur idenë e uljes së tarifave tregtare të SHBA-së kundër Kinës në nivlin 80%, ndërsa bisedimet kyçe të paqes midis palëve përgatiten të fillojnë.
Takimi i fundjavës, ku përfshihen zyrtarë të lartë nga të dy vendet në Zvicër, shihet si një mundësi për të lehtësuar elementin më dëmtues dhe ndëshkues të luftës tregtare.
Në rrezik për të dyja palët nuk është vetëm një perspektivë e përkeqësuar e brendshme, por edhe një ekonomi globale në dobësim.
Duke shkruar në platformën e tij Truth Social, disa orë pasi ra dakord për një marrëveshje të përkohshme me Mbretërinë e Bashkuar, presidenti tha: ” Tarifa 80% ndaj Kinës duket e drejtë! Varet nga Scott B [Bessent].” Kjo do të thotë që vendimi do të merret nga Scott Bessent, sekretari i thesarit të SHB-së, i cili do të udhëheqë delegacionin e SHBA-së në bisedimet në Gjenevë.
Rezultati pritet me padurim pas disa raundeve të rritjes së tarifave që aktualisht arrijnë në total 125% për importet amerikane në Kinë dhe 145% për mallrat kineze që mbërrijnë në Amerikë.
