Presidenti amerikan, Donald Trump ka pranuar, se ka biseduar me kreun e shtetit ukrainas për rivalin, Joe Biden, një ndër kandidatët demokratë për garën presidenciale, dhe djalin e tij.
“Është bërë fjalë për implikimin e të dyve në korrupsion në Ukrainë”, ka thënë Trump. Presidenti amerikan po ashtu la të kuptohej se telefonata do të publikohet.
Sipas raportimeve në media, më 25 korrik, Trump kishte telefonuar presidentin ukrainas, Volodymyr Zelensky dhe i kishte kërkuar të mblidhte informacione komprometuese për djalin e Biden, Hunter.
“Wall Street Journal” shkruan, se presidenti amerikan është përpjekur “tetë herë” të përmendë aktivitetet e Hunter Biden.
Ky i fundit kishte punuar për një rafineri ukrainase të gazit në kohën që Biden ishte zëvendës president. Për këtë qëllim, Trump i ka kërkuar me gjasë Zelenskyt të bashkëpunojë me avokatin e tij, Rudy Giuliani për të hetuar për korrupsion.
Ndërkaq Giuliani ka pranuar në fundjavë, se një telefonatë e tillë është zhvilluar./ Opinion.al
