Shtetet e Bashkuara janë përfshirë ditët e fundit në një mot ekstremisht të ftohtë. Temperaturat kanë arritur deri në -50 gradë Celcius. Autoritetet kanë dhënë masa paralajmëruese për të mos dalë nga shtëpia, me përjashtim të rasteve urgjente. Mjekët nga ana tjetër kanë këshilluar qytetarët që të bëjnë kujdes edhe me frymëkëmbimin, pasi një frymëmarrje e thellë do të ngrinte mushkëritë.
Nuk dihet sa do të zgjasë situata në Shtetet e Bashkuara dhe për miliona njerëz të zënë në vështirësi. Fenomeni i jashtëzakonshëm me të cilën po përballet Perëndimi i Mesëm quhet Vortex Polar. Vendi u përfshi nè motin e ftohtë mes datave 30 dhe 31 janar.
Presidenti Trump nuk ngurroi ta përdorë situatën për të përgënjeshtruar ngrohjen globale.
“Në Perëndimin e Mesëm të bukur, masat e ftohta e të thata ajrore kanë ulur temperaturat deri në -60 gradë (Farenheit), më e ulëta që është regjistruar ndonjëherë. Çfarë dreqin po ndodh me ngrohjen globale? Të lutem kthehu, kemi nevojë për ty!”
Kështu ka shkruar Presidenti Trump në Twitter, ndërsa qartësisht ai nuk e kupton ndryshimin mes motit dhe klimës. Gjithashtu duket se ai nuk e kupton si funksionon Vorteksi Polar. Moti i referohet ndryshimeve ditë pas dite të atmosferës. Klima nga ana tjetër është temperatura mesatare e një vendi. Kështu që vërtetë Perëndimi i Mesëm po përballet me temperatura ekstremisht të ulëta, por bota në 28 janar ishte 0.7 gradë më e ngrohtë se temperatura mesatare mes 1979 deri në 2000.
Presidenti Trump është i njohur për qëndrimet e tij mohuese ndaj ngrohjes globale dhe mendimit që është e gjitha një farsë. Megjithatë shkencëtarët vijojnë të konfirmojnë që ngrohja globale PO NDODH./E.L
