Presidenti Trump u përfshi në një incident, teksa fliste përballë 1500 të rinjve në Samitin e Veprimit Studentor. Ai qëndroi në skenë përpara një steme të rremë dhe qesharake presidenciale, ku shfaqej një shqiponjë me dy koka, e cila ishte e ngjashme me stemën shtetërore të Federatës Ruse.
TPUSA, organizata përgjegjëse për vendosjen e imazhit viziv pas Trump, ka kërkuar ndjesë për incidentin duke i thënë CNN-it se kishte “zero qëllime të keqija” prapa imazhit.
“Na vjen keq për ngatërresën dhe absolutisht nuk është mosrespekt ndaj Shtëpisë së Bardhë, Presidentit apo ekipit paraprak”, tha burimi i TPUSA.
Sipas tyre, incidenti ishte vetëm një gabim i tmerrshëm i kërkimit në Google, pasi disa orë përpara ngjarjes, ekipit iu tha që ata duhej të shfaqnin pas Trump një stemë presidenciale, duke bërë që të kërkohej një imazh me cilësi të lartë.
Shtëpia e Bardhë vuri gishtin tek TPUSA për ngjarjen duke thënë se ekipi nuk e pa asnjëherë stemën në fjalë para se të shfaqej në video, por mediat amerikane e kanë quajtur këtë një tjetër dështim të ekipit të Presidentit, i cili është përgjegjës për të gjitha detajet për çdo paraqitje presidenciale/Opinion.al
