Donald Trump nënshkroi një urdhër ekzekutiv për kushtet në shërbimin bazë në mjekësi, mes pandemisë globale dhe pasigurisë në rritje për të ardhmen e mbrojtjeve të garantuara të ligjit shëndetësor të kohës së ish-Presidentit Obama, që administrata e tij ende po përpiqet ta përmbysë.
Gjatë vizitës në shtetin e Karolinës së Veriut, presidenti foli për atë që ndihmësit e tij e quajtën një “vizion” për kujdesin shëndetësor cilësor me çmime të përballueshme, me kosto më të ulëta të ilaçeve me recetë, më shumë zgjedhje për konsumatorët dhe transparencë më të madhe.
Presidenti gjithashtu nënshkroi një urdhër tjetër ekzekutiv në përpjekje për t’i dhënë fund faturave të papritura mjekësore.
