Këtë javë bëri bujë lajmi që një zyrtar i lartë i administratës së Trump publikoi një letër anonime në New York Times, ku kritikonte qeverisjen e tij dhe zbulonte se stafi tashmë nuk i zbaton më urdhrat e presidentit “për të mbrojtur shtetin”.
Trump është në kërkim të “tradhtarit,” dhe po mendon të përdorë një detektor gënjeshtrash te të gjithë zyrtarët për ta zbuluar se kush është. Sugjerimi i ka ardhur nga aleati republikan, Rand Paul.
Autori i letrës vetëpërshkruhet si një zyrtar i lartë i adnimistratës, në moshë të madhe. Në letër ai flet për kaosin që rrethon Shtëpinë e Bardhë.
Ndërsa kjo e ngushton listën e të dyshuarve në 12, Trump ia ka lënë investigimin në dorë avokatit Jeff Sessions. Senatori i Kentucky-t, Rand Paul, në këtë moment sugjeroi që i gjithë stafi të kalojë në një detektor gënjeshtrash.
Ai tha: “Ne i përdorim gjithë kohës për agjentët e CIA dhge FBI. Do të ishte pranueshme të përdohej edhe në Shtëpinë e Bardhë.”
Ideja që Trump vërtetë mund të përdorë një detektor te zyrtarët e tij hapi diskutime dhe reagime të shumta, sidomos në Twitter. Dikush shkruante: “E imagjinoni dot çdo të ndodhte po të lidhej Trump me detektorin e gënjeshtrave? Do të shkëputej energjia elektrike në të gjithë bregun lindor.”/Opinion.al
