Kandidati republikan për president, Donald Trump ka mbajtur një tubim të shtunën në shtetin e Wisconsit.
Fjalimi i Trump atje iu kushtua pothuajse tërësisht emigrantëve pa dokumente në SHBA.
Gjatë fjalës së tij ai i ka cilësuar emigrantët si ”kriminelë të dhunshëm”, “përbindësha” dhe “kafshë të neveritshme”.
Kandidati republikan për president ishte i rrethuar nga postera të emigrantëve në SHBA, të cilët janë arrestuar për vrasje dhe krime të tjera të dhunshme, dhe pankarta që shkruanin “Fund krimit të migrantëve” dhe “Dëboni ilegalët tani”.
Në këtë tubim, Trump gjithashtu sulmoi edhe Harrisin e cila të premten vizitoi kufirin SHBA-Meksikë për herë të parë në fushatën e saj presidenciale 2024, duke e quajtur atë “të paaftë mendërisht”.
