Bota

Trump mbron 17-vjeçarin, që vrau dy persona gjatë protestave


Bëhu pjesë e Grupit Zyrtar të Opinion.al
>> KËTU <<
               Publikuar në : 10:07 - 01/09/20 |
el ida

Presidenti amerikan, Donald Trump ka mbrojtur 17-vjeçarin, Kyle Rittenhouse, i cili vrau dy persona gjatë protestave në Kenosha të Uiskonsinit.

Protestat shpërthyen pasi një polic plagosi me 7 plumba në shpinë afro-amerikanin, Jacob Blake, i cili është paralizuar dhe ndodhet ende i shtruar në spital.

“Ai po përpiqej t’i largohej turmës së tërbuar dhe u rrëzua. Ata e sulmuan barbarisht. Po e hetojmë atë ngjarje aktualisht, por mendoj se ai e kishte punën pisk në atë moment. Me shumë mundësi do ta kishin vrarë. Ngjarja po hetohet”, tha Trump.

Në rrjetet sociale kanë qarkulluar video të momenteve kur adoleshenti qëllon me automatik mes turmës, gjatë manifestimeve të dhunshme.

Mësohet se Rittenhouse ishte pjesë e një grupi, të cilët kishin dalë vullnetarisht për të mbrojtur rendin publik dhe bizneset nga turmat e plaçkitësve, që shfrytëzonin kaosin e krijuar nga protestat.

Në të tjera video, Rittenhouse shfaqet po atë natë para se të qëllonte ndaj protestuesve duke qëndruar pranë një dyqani për shitjen e makinave, duke pretenduar se po bënte roje./Opinion.al

Pas