Presidenti amerikan, Donald Trump ka sugjeruar qëllimin e migrantëve me armë zjarri në këmbë për t’i zmbrapsur nga hyrja në Shtetet e Bashkuara. Ai është tërhequr vetëm pasi këshilltarët ligjor e kanë bindur se ky është një hap i paligjshëm.
Ky fakt është pasqyruar në një libër të dy gazetarëve të së përditshmes, New York Times, teksa është thënë se Trump ka propozuar metoda ekstreme për t’i ndaluar migrantët në rrugën e tyre drejt kufirit jugor të SHBA-së. Në mesin e masave është përfshirë edhe ndërtimi i një muri të elektrizuar me Meksikën.
Libri i titulluar “Luftërat kufitare: Brenda Sulmeve të Trumpit ndaj Imigrimit” nga gazetarët, Michael Shear dhe Julie Davis, është i bazuar në intervistat e më shumë se dhjetëra zyrtarëve të paidentifikuar, dhe është publikuar nga New York Times.
Ndërkaq Shtëpia e Bardhë nuk ka komentuar ende mbi raportimet e këtij libri./Opinion.al
