Prej kohësh, modelja dhe moderatorja e famshme, Chrissy Teigen, e ka shprehur qartë antipatinë që ka kundrejt presidentit Trump. Kujtojmë këtu se gjatë fushatës për zgjedhjen e Presidentit të Shteteve të Bashkuara të Amerikës, Donald Trump kishte shumë personazhe të njohur kundër. Një ndër to ishte edhe Chrissy Teigen. Po çfarë ka ndodhur?
Ditë më parë, Trump ka shkruar një status ironik në këtë rrjet social, ku ka thënë se këtë vit do të krijojë një ceremoni të ndarjes së çmimeve, për një pjesë të mirë të medias amerikane që transmeton lajme të rreme. Ai madje ka publikuar edhe fituesit e “Fake News Awards”.
Ndërkohë që bashkëshortja e John Legend, ka qënë në prova në “Dolby Theatre”, ajo ka inskenuar sesi do të kishte qënë “Fake News Awards” nëse do të ishte prezantuar nga ajo.
Chrissy ka vizatuar në letër të ftuarit dhe i ka ngjitur në vende të ndryshme të sallës, ku më vonë ka zënë edhe vendin e saj duke u shtirur se po argëtohej në këtë ceremoni imagjinare. Ajo ka postuar disa foto dhe video në Snapchat, duke vënë në lojë Donald Trump-in.
