Presidenti i SHBA-ve Donald Trump i ka habitur të gjithë në deklaratën e së shtunës, lidhur me raportet e tij me diktatorin korean Kim Jong Un. Trump ka deklaruar se pas shkëmbimit të letrave së fundmi, ai dhe Kim Jong kanë rënë në dashuri me njëri-tjetritn.
Dyshja u takua për herë të parë qershorin e këtij viti në Singapor, ku firmosën marrëveshjen e denukrealizimit. Përpara këtij takimi, marrëdhëniet e tyre kanë qenë të acaruara në distancë, ku shpesh nuk kanë munguar as ofendimet dhe kërcënimet.
“Unë po tregohesha i vështirë, gjithashtu edhe ai, dhe nëse do vazhdonim kështu do bënim hapa pas”, u shpreh Trump.
Dhe më pas ramë në dashuri, dakord? Jo seriozisht, ai më ka shkruajtur letra të bukura”, vijoi ai.
Përkrahësit e Trump qeshën pas kësaj deklarate, ndërsa kritikët e kanë cilësuar si të pavend deklaratën e tij. Administrata e Trump po përgatitet për një takim të dytë me Kim për të rishikuar marrëveshjen e denukrealizimit. Pavarësisht tonit më të ngrohtë të marrëdhënieve, Koreja e Veriut nuk i është përmbajtur kërkesave të SH.B.A.-së për të siguruar një inventar të plotë të programeve të saj të armëve dhe për të marrë hapa të pakthyeshëm për të hequr dorë nga arsenali i saj./Opinion.al
Burimi: The Telegraph
