Donald Trump i ka bërë një ftesë publike homologut ukrainas Volodymyr Zelenskiy për të vizituar Shtëpinë e Bardhë. Trump shtoi se korrupsioni është i pabesueshëm në Ukrainë, gjë e bezdis shumë, ahstu siç e bezdis dhe fakti që Gjermania, Franca dhe shtete të tjera nuk po ndihmojnë.
“Do të doja shumë që ta prisja në Shtëpinë e Bardhë dhe mendoj se ai do të vijë. Ai është njeri i mirë, kam biseduar me të dy herë. Mendoj se do të jetë këtu shumë shpejt. Korrupsioni është i pabesueshëm në Ukrainë, gjë që më bezdis shumë dhe më bezdis shumë, shumë, shumë gjithashtu edhe fakti që Gjermania, Franca dhe shtete të tjera nuk po ndihmojnë. Ne jemi gjithmonë budallenjtë që e bëjmë këtë gjë. Kjo më bezdis. Nëse kthehesh pas në histori, për arsye nga më të ndryshmet, janë gjithmonë SHBA ato që ndihmojnë. Kjo është një nga arsyet përse unë jam zgjedhur. Nuk duam të jemi ende budallenjtë”, tha presidenti amerikan.
Trump kritikoi ashpër dhe udhëheqësen e Dhomës së Përfaqësuesve, Nancy Pelos duke thënë se ajo është e turbulluar, teksa shtoi se nuk ka bërë asgjë të gabuar pasi bisedën me Zelenskyn e konsideron perfekte.
“Pelosi është krejt e turbulluar. Diçka nuk po shkon me të. Nëse shihni se çfarë po ndodh, nëse shihni shifrat, nëse shihni sondazhet, ata dinë vetëm të thonë mos bëj këtë, mos bëj atë. Për mua nuk ka asnjë problem. Ne nuk kemi bërë asgjë të gabuar. Nuk kam bërë asgjë të papërshtatshme, edhe biseda me Presidentin e Ukrainës ka qenë perfekte. Të gjithë e dinë. Republikanët nuk kanë qënë kurrë kaq të unifikuar. Jam në nivelin më të lartë se kurrë më parë. Hetimi për mua është mashtrim, është shaka. Demokratët po e përdorin atë për përfitime politike, për të fituar zgjedhjet, që në fakt nuk do t’i fitojnë”. tha Trump pak para se të nisej për në Nju Jork, ku nuk u prit aspak mirë nga vendasit.
Kujtojmë se presidenti amerikan, Donald Trump akuzohet se i ka bërë presion Ukrainës për të kryer hetime për korrupsion kundër rivalit të tij politik, Joe Biden dhe djalit të tij, Hunter, i cili ka punuar në një kompani ukrainase të gazit, Burisma./Opinion.al
