Përdorimi i ilaçit kundër malaries, hidroksiklorinës, për trajtim kundër koronavirusit, është ndaluar nga Administrata amerikane për Ushqim dhe Ilaçe.
Kjo Administratë deklaroi se të dhënat e dala nga testimet klinike, kanë treguar se nuk ka asnjë arsye për të besuar se ky ilaç mund të prodhojë efekt anti-viral.
Presidenti amerikan, Donald Trump, ka mbrojtur qëndrimin e tij, për promovimin e hidroksiklorinës si trajtim për Covid-19. Duke iu përgjigjur kësaj deklarate, Trump sqaroi se nuk ka pasur efekte anësore pas përdorimit të këtij ilaçi.
“E kam pirë dhe jam ndjerë mirë që e kam përdorur”, u ka thënë ai gazetarëve, due shtuar se “nuk mund të ankohem për të, e kam pirë për dy javë, dhe ja ku jam, ja ku jemi”.
Presidenti 74-vjeçar, ka shtuar po ashtu se shumë persona i kanë konfirmuar atij që hidroksiklorina u ka shpëtuar jetën.
Megjithatë, Organizata Botërore e Shëndetësisë, ka ndalur testimet me këtë ilaç./Opinion.al
