Mbrëmjen e të enjtes, Trumpit iu komunikua arresti për një sërë akuzash që kanë të bëjnë me përpjekjet e ish-Presidentit për të përmbysur rezultatin zgjedhor të vitit 2020 në shtetin e Georgia në SHBA.
Por Trump qëndroi aty vetëm 20 minuta pasi u lirua me kusht duke vendosur një garanci pasurore prej 200 mijë Dollarësh.
Ky ishte arrestimi i tij i katërt në pesë muaj për një çështje penale.
Trump argumenton se rastet kundër tij janë të motivuara politikisht sepse ai po udhëheq garën republikane për të sfiduar Presidentin Joe Biden, në zgjedhjet presidenciale të vitit të ardhshëm.
77-vjeçari është ish-Presidenti i parë amerikan që përballet me akuza penale. Ai bëri udhëtimin vajtje-ardhje nga Nju Xhersi me avionin e tij privat të enjten pasdite.
Trump u dërgua në burgun e kontesë Fulton nga një autokolonë më e madhe se sa ka përdorur për paraqitjet e mëparshme në gjykatë këtë vit.
Ai ka qenë brenda objektit për rreth 20 minuta. Dhjetra mbështetës të tij u mblodhën jashtë. Të dhënat e postuara në uebsajtin e burgut përshkruanin zotin Trump si një mashkull biond me peshë 215 lbs (97 kg), dhe sy blu.
Para se të nisej për në shtëpi, ai u tha gazetarëve në aeroport se kishte të drejtë të kundërshtonte rezultatin e një votimi.
“Mendova se zgjedhjet ishin zgjedhje të manipuluara, zgjedhje të vjedhura,” tha zoti Trump, i cili shpesh bën pretendime për mashtrim të votave në vitin 2020. “Dhe unë duhet të kem çdo të drejtë ta bëj këtë”-vijoi ai.
