Krishtlindjet tashmë janë fare pranë, e si për traditë, në Shtetet e Bashkuara është mbajtur ceremonia e nisjes në “National Christmas Tree”.
Presidenti Trump dhe Zonja e Parë Melania kanë prezantuar eventin, duke iu dhënë jetë mijëra dritave që zbukurojnë bredhin e madh.
Bëhet fjalë për ceremoninë e 96 të ndezjes së festës: herën e parë u zhvillua në vitin 1923 me presidentin Calvin Coolidge. Që nga atëherë, asnjë president nuk është tërhequr pas nga kjo “detyrë” institucionale, që çdo vit tërheq me mijëra spektatorë.
