Bota

Trump dhe Biden, akuza të ndërsjella për dhunën në Oregon


Bëhu pjesë e Grupit Zyrtar të Opinion.al
>> KËTU <<
               Publikuar në : 10:39 - 31/08/20 |
el ida

Presidenti i Shteteve të Bashkuara, Donald Trump, dhe rivali i tij demokrat, Joe Biden, u përplasën rreth dhunës që ka shpërthyer në protestat në Portland të Oregonit.

Trump e fajësoi kryebashkiakun demokrat të Portlandit, Ted Wheeler, për, siç tha, lejimin e “vdekjes dhe shkatërrimit të qytetit të tij”, ndërsa Biden tha se presidenti është “inkurajues i pamatur i dhunës”.

Në një seri postimesh në Twitter, Trump tha se “Portlandi nuk do të shërohet kurrë me kryebashkiak budalla” dhe sugjeroi dërgimin e forcave federale në qytet. Ai po ashtu tha se Biden “nuk është i gatshëm për të udhëhequr”.

Ndërsa, Biden tha përmes një deklarate se Trump “mund të besojë se postimet në Twitter për rendin dhe ligjin e bëjnë atë të fortë, por dështimi për t’iu bërë thirrje mbështetësve të tij që të ndalojnë së kërkuari konflikt, tregon se sa i dobët është”.

Të shtunën në Portland, një person u qëllua për vdekje, pasi mbështetësit e Trumpit u përleshën me protestues të lëvizjës “Jetët e afrikano-amerikanëve vlejnë”.

Portland është bërë një vatër e rëndësishme e protestave kundër brutalitetit të policisë dhe racizmit, pas vdekjes së afrikano-amerikanit, George Floyd, gjatë arrestimit nga policia, më 25 maj, në Mineapolis. Vrasja e tij ka shkaktuar një valë të zemërimit kombëtar dhe ndërkombëtar./Opinion.al

Pas