Nëse ka diçka që Kanye nuk ngurron ta bëjë, është të thotë atë që ka në mendje. Ai kurrë nuk mendon për impaktin që kanë fjalët e tij te të tjerët. Kanye është shembulli i përsosur i të thënit të gjërave pa menduar për reagimet. Këtë e ka treguar herë pas herë reperi me deklarata të ndryshme apo këngë. Në albumin e fundit ai shprehu fantazitë seksuale për 5 motrat Kardashian. Në një nga këngët ai rrëfen e pse dëshiron që North t’i ngjajë atij e jo Kim-it. Artisti gjithmonë krijon zhurmë dhe duket se është bërë mjeshtër i kësaj pune.
Kohë më parë ai ka shprehur edhe mbështetjen për presidentin aktual të SHBA, Trump. Gjatë kohës së fushatës elektorale, kjo ishte diçka me risk për t’u bërë. Kanye mori shumë kritika nga fansat, kolegët dhe miqtë e tij. Në një intervistë ai ka pranuar që edhe bashkëshortja Kim Kardashian i kishte kërkuar të mos mbështeste Trump. Ky lumë kritikash detyroi reperin asokohe të ç’aktivizonte rrjetet sociale. Ai u rikthye vetëm 11 muaj më vonë, kur pati gati albumin.
Reperi së fundmi ka pasur një dalje në Saturday Night Live. Aty ai mbante veshur një kapele me moton e presidentit. Për këtë gjest është dënuar Kanye nga publiku. Të gjithë kanë filluar ta fishkëllejnë e ta kritikojnë. Kjo vazhdoi edhe në rrjetet sociale, gjë që e detyroi West të fshijë sërish Instagram-in dhe Twitter-in./Opinion.al
