Presidenti amerikan Donald Trump në një konferencë për gazetarët ka deklaruar se askush në botë nuk mund ta ndalojë Presidentit rus Vladimir Putinin përveç tij.
“Mendoj se do jem në gjendje ta ndaloj”, tha Trump, duke shtuar se: “Ne kemi pasur disa diskutime shumë racionale dhe unë thjesht dua të shoh që njerëzit të mos vriten”.
Kjo deklaratë e Presidentit Trump vjen pas sulmeve me dron që janë raportuar gjatë orëve të fundit në Ukrainë.
Shtetet e Bashkuara të Amerikës po bëjnë presion për një marrëveshje paqeje midis Ukrainës dhe Rusisë dhe shpresojnë të arrijnë një armëpushim deri më 20 Prill.
Por pavarësisht përpjekjeve për të dhënë fund konfliktit, të dyja palët kanë raportuar për sulme të vazhdueshme.
