Presidenti Donald Trump aprovoi sulme ushtarake kundër Iranit të enjten por më vonë ndryshoi mendjen, raporton New York Times.
Zyrtarë të lartë të Shtëpisë së Bardhë, thanë se sulmet ishin planifikuar kundër disa objektivave.
Operacioni dyshohet se po zhvillohej në fazat e para kur z. Trump i dha urdhër ushtrisë amerikane të ndalojë. Shtëpia e Bardhë deri më tani nuk ka bërë asnjë koment.
Kjo vjen pasi Irani ka qëlluar një avion spiun amerikan.
Teherani pohon se aeroplani i pa pilotuar amerikan hyri në hapësirën ajrore të tyre herët në mëngjes të enjten. SHBA pohon se u qëllua në hapësirën ajrore ndërkombëtare.
Tensionet mes dy vendeve janë përshkallëzuar pasi SHBA fajësojnë Iranin për sulmet ndaj cisternave të naftës që ndodhen në rajon. Ndërkohë, Irani ka njoftuar se së shpejti do të kalojë kufijtë e pasurimit me uranium e rënë dakord të marrëveshjen ndërkombëtar mbi programin e saj bërthamor.
Vitin e kaluar, Shtetet e Bashkuara u tërhoqën në mënyrë të njëanshme nga një marrëveshje bërthamore e vitit 2015 që synonte frenimin e aktiviteteve bërthamore të Iranit. /Opinion.al
