Presidenti i Shteteve të Bashkuara, Donald Trump, ka akuzuar Iranin për vrasjen e një numri të madh të protestuesve, ndërsa të dhënat që janë publikuar nga ana e Teheranit i quajti “gënjeshtra të plota”.
“Tani, ndërsa ne po flasim, Irani po vret ndoshta mijëra e mijëra njerëz. Për këtë ata ndërpresin Internetin, në mënyrë që njerëzit të mos shohin se çfarë po ndodh. Është një gjë e tmerrshme dhe bota duhet të vëzhgojë”, tha Trump gjatë një vizite në Londër për një samiti të NATO-s.
Një ditë më parë organizata për të drejtat e njeriut Amnesty International tha se të paktën 208 persona besohet të jenë vrarë gjatë goditjes së autoriteteve ndaj protestave, muajin e kaluar.
Shkalla e dhunës kundër protestave që u nxitën nga rritja e çmimit të karburantit deri në 200 përqind mbetet e paqartë, kryesisht për shkak të një ndërprerje gati të përgjithshme të internetit nga ana e autoriteteve iraniane.
Teherani nuk ka publikuar ende një numër zyrtar të vdekjeve nga trazirat që shpërthyen në mbrëmjen e 15 nëntorit./Opinion.al
