Presidenti Donald Trump, të mërkurën, akuzoi senatorët demokrat se kanë bllokuar dhe ngadalësuar ‘qindra’ emërime të ambasadorëve dhe gjykatësve, duke u shprehur se kjo situatë është më e keqja në historinë e SHBA-ve.
Trump ka akuzuar demokratët se po bllokojnë kandidaturat e tij, veçanërisht ish-zëdhënësin e SHBA-së në Kombet e Bashkuara, Richard Grenell, të cilin e ka zgjedhur për ambasador në Gjermani. Grenell është propozuar në muajin shtator.
Trump, të martën, deklaroi se shumë pozicione të rëndësishme janë të paplotësuara për shkak të kësaj pengese.
Mesazhi vjen pasi administrata niset për dy beteja konfirmuese, potencialisht të diskutueshme pasi Trump shkarkoi të martën Rex Tillerson si sekretar shteti, ndërsa e zëvendësoi me drejtorin e CIA-s Mike Pompeo. Ky i fundit, u zëvendësua nga zv/drejtorja aktuale e CIA-s, Gina Haspel.
Të dy ka gjasa të përballen me një ‘shkundje’ të fortë, Haspel do të përballet me akuzat se ka drejtuar një burg të fshehtë në Tajlandë, ku të paraburgosurit iu nënshtruan simulimeve mbytëse dhe keqtrajtimeve.
Trump shkruajti në Twitter për çështjen kryesore të së dielës, duke thënë: ‘Senati duhet të miratojë kandidatët e tij. Tani’.
Muajin e kaluar, sekretarja e shtypit për Shtëpinë e Bardhë, Sarah Sanders e përshkroi situatën si “jashtë kontrollit”.
/Fox News
