Tropojë, sherr në shkollë, thikë në zemër 16 vjeçarit

BAJRAM CURRI- Një 16 vjeçar është plagosur me thikë në ambientet e shkollës nga bashkëmoshatarët e tij. Ngjarja ka ndodhur në shkollën e mesme të qytetit të Bajram Curri rreth orës 12:00. Nxënësi i vitit të dytë është goditur me thikë disa here me thikë nga një nxënës i shkollës. Ngjarja ka ndodhur në pjesën e oborrit të shkollës se mesme “Asim Vokshi” në Tropojë. Nga të dhënat e para mësohet se gjendja e të riut është e rëndë, pasi thika i ka kapur edhe aortën dhe është transportuar me helikopter drejt spitalit të Traumës në Tiranë. Policia e ka ndaluar adoleshentin që kreu krimin, por ende nuk dihen motivet që çuan në këtë ngjarje të rëndë në ambientet e shkollës.