Një 33-vjeçar është plagosur me armë zjarri mbrëmjen e djeshme në një lokal në qytetin e Bajram Currit. Mësohet se i plagosur ka mbetur shtetasi me inicialet A.H.
Ndërkohë, shërbimet e Policisë, kanë bërë të mundur identifikimin e autorit të dyshuar shtetasin G. V., 24 vjeç, banues në Tropojë, i cili dyshohet se për motive të dobëta ka qëlluar me armë zjarri shtetasin A. H.
“Në hyrje- daljet e qytetit, janë ngritur pika kontrolli, me qëllim kapjen e autorit.
I plagosuri shtetasi A. H., ndodhet nën kujdesin e mjekëve në spitalin e Gjakovës, jashtë rrezikut për jetën”, tha Policia.
Në drejtimin e Prokurorisë, vijon puna për sqarimin e rrethanave dhe dokumentimin e ligjor të kësaj ngjarjeje.
