Një 54-vjeçar nga Kosova është arrestuar nga Policia e Tropojës pasi akuzohet “Kontrabanda me mallra të tjera”. Gjithashtu, është proceduar penalisht dhe një doganier, për veprën penale “Shpërdorimi i detyrës”.
Mësohet se në pranga kanë rënë I. A., banues në Shishman, Kosovë, ndërsa është proceduar V. N., 41 vjeç, banues në Tropojë, me detyrë doganier në doganën Qafë Morinë-Tropojë, i cili ka shpërdoruar detyrën duke mos kryer veprimet doganore ndaj drejtuesit të mjetit të lartpërmendur.
Arrestimi i 54-vjeçarit u krye pasi, në vendin e quajtur “Sopot”, gjatë kontrollit të ushtruar nga Policia në mjetin e tij tip furgon u konstatuan 100 m² laminat, për të cilat nuk dispononte asnjë faturë për vendin e origjinës së tyre.
Njoftimi i policisë
Tropojë-Arrestohet në flagrancë një shtetas, për veprën penale “Kontrabanda me mallra të tjera”.
Procedohet penalisht dhe një doganier, për veprën penale “Shpërdorimi i detyrës”.
Specialistët e Seksionit për Hetimin dhe Parandalimin e Krimeve në Komisariatin e Policisë Tropojë arrestuan në flagrancë i shtetasin I. A., 54 vjeç, banues në Shishman, Kosovë.
Arrestimi i tij u bë pasi, në vendin e quajtur “Sopot”, gjatë kontrollit të ushtruar nga Policia në mjetin e tij tip furgon u konstatuan 100 m² laminat, për të cilat nuk dispononte asnjë faturë për vendin e origjinës së tyre.
Gjithashtu filloi procedimi penal në gjendje të lirë për shtetasin V. N., 41 vjeç, banues në Tropojë, me detyrë doganier në doganën Qafë Morinë-Tropojë, pasi ka shpërdoruar detyrën duke mos kryer veprimet doganore ndaj drejtuesit të mjetit të lartpërmendur.
Materialet i kaluan Prokurorisë së Rrethit Gjyqësor Tropojë, për veprat penale “Kontrabanda me mallra të tjera” dhe “Shpërdorimi i detyrës”./ Opinion.al
