Kryetarja e Lëvizjes Socialiste për Integrim, Monika Kryemadhi, gjatë një takimi me strukturat e kësaj force politike në Gjirokastër, ka deklaruar se qeveria Rama përfaqëson dhe mbron 4 klanet kriminale dhe familjet mafioze që përmendi dhe ambasadori Donald Lu.
Kryemadhi theksoi se Shqipëria është e kapur nga krimi dhe një fakt i tillë, vërtetohet edhe nga raporti që sollën për ish-ministrin e Brendshëm, Saimir Tahiri dhe përfshirjen e tij në trafik droge.
Sipas saj, Shqipëria është një vend i vogël dhe kjo jo për fajt të shqiptarëve, por për faj të politikës.
‘Kemi një qeveri që përfaqëson 4 familjet mafioze siç e ka thënë dhe ambasadori LU. Fjalët e L:SI-së u vërtetuan në raportin që sollën për ish ministrin e brendshëm për përfshirjen e tij në trafik droge është një gjë shumë e rëndë. Shqipëria është një vend i vogël, jo për faj të shqiptarëve por për faj të politikës’, deklaroi kryemadhi.
