Suksesi i Leicester ka përhapur valë nëpër gjithë qytetin, teksa festimi i tifozëve është kapur edhe nga aparate që përdoren për të zbuluar tërmete. Tifozët që kërcenin lartë e poshtë në “King Power Stadium” kanë shkaktuar një tërmet me magnitudë 0.3 në momentin që ekipi i tyre gjeti golin e avantazhit kundër Norwich në minutën 89-të.
Një grup studentor gjeologësh në Universitetin e Leicester kanë vendosur aparate që përdoren për të zbuluar tërmete në një shkollë të mesme pranë stadiumit. Ata shprehen se goli i Leonardo Ulloa-s në minutat e fundit të ndeshjes shkaktoi një aktivitet sizmik.
“Disa ditë pasi instaluam aparatet në shkollë ne po analizonim të dhënat e mbledhura, kur vumë re disa ndryshime në sizmografin tonë gjatë ndeshjeve të futbollit në stadiumin pranë shkollës,” thotë një nga studentët. “Dolëm në përfundimin se aparatet tona po masnin tërmete të vogla që prodhoheshin nga energjia e papritur e festimit të tifozëve të Leicester në momentin që është shënuar goli.”
Ky fenomen ka marrë emrin “Tërmeti Vardy”, megjithëse ai ka që në 14 shkurt pa shënuar. “Jemi kuriozë të shohim se goli i cilit futbollist do të shkaktojë tronditjen më të madhe sizmike. Kemi vënë bast për Vardyn”.
https://www.youtube.com/watch?v=Y5L2u2FlL80
