Një raport i publikuar nga Organizata Botërore e Shëndetësisë Lancet, ka paraqitur një gjendje katastrofike në botë, të krijuar nga ndotja e ajrit.
Raporti tregon se 9 milion vdekje në mbarë botën janë shkaktuar nga ndotja e ajrit në vitin 2015.
Konkretisht, theksohet se 1 në 6 persona në botë vdesin për shkak të ndotjes që vjen nga ajri, uji apo toka, përfshirë ndotjen kimike dhe atë profesionale.
Studimi tregon se vdekjet e hershme, në moshë më të re, i atribuohen ndotjes së mjedisit në mbarë botën.
Shqetësimi më i madh dhe rrezikshmëria më e lartë është ekspozimi i femijëve ndaj ndotjes kimike, që vjen nga industrializmi i vendeve modern.
Një nga bashkëkomisionerët e Organizatës Lancet, si dhe profesor mjekësie, dr.Landrigan tha se pas mbledhjes së informacioneve mbi vdekjet e shkaktuara; rezultoi se vijnë nga të gjitha format e ndotjes, si ajo e ajrit, ujit, tokës, ndotja kimike dhe profesionale në vendin e punës.
Sipas raportit më të fundit, 1.8 milionë vdekje ka shkaktuar ndotja e ujit, ndërsa ndotja në mjedisin e punës, është përgjegjëse për 0.8 milionë vdekje.
Studimi thekson se një pjesë e konsiderueshme e vdekjeve rrëth 92 përqind që shkaktohen nga ndotja, ndodh tek ata njerëz që jetojnë në vendet me të ardhura të ulëta dhe të mesme.
Profesor Landrigan tha se format moderne të ndotjes janë të gjitha të lidhura me industrinë moderne, qytetet moderne dhe stilin modern të jetesës, duke shtuar se numri i vdekjeve po rritet frikshëm nga viti në vit.
