Në dëgjesën që po kryetari i Bashkisë Erjon Veliaj po mban me aktorët e teatrit, ka marrë fjalën edhe Robert Ndrenika. Ai ka shprehur kundërshtimin e tij për prishjen e teatrit, duke dhënë argumeta të ndryshëm. Pikë së pari Ndrenika është shprehur se është kundër Partneritetit Publik Privat, duke u shprehur se ka vuajtur nga kjo.
“Kam vuajtur shumë gjatë kësaj kohe, kam qenë te zyra e kryetarit më ka paraqitur projektin, kam qenë optimist, por, kam vuajtur shumë nga cështja e partneritetit privat-publik, ka hile brenda, kam vuajtur shumë se e dhashë shtëpinë, dhe kam vuajtur 3 vjet gjyqeve, njërën hyrje, ma pushtuan hyrjen me bodigard.
Vajta të ministri i Brendshëm, shoku Petro Koci që s’ma vari fare, kupton, jam kundër partneritetit publik privat. Ndoshta projekti është i mirë, jam në mëdyshje për cështjen e skenës dhe e kam thënë, këtu ka dushe, e kështu ashtu, por skenën nuk e kemi parë, për këtë duhet të falsin regjisorët, arkitektët dhe aktorët”, u shpreh Ndrenika.
Ai i ishte i bindur se trashëgima mund të ruhej, pa qenë nevoja të ndërtohej nga e para, duke i përmendur edhe rastin e Pazarit të Ri.
“Bëre mirë që më përmende Pazarin e Ri, dhe mendoj se nuk ka ndonjë gjë të eqe të gjykohet dhe arsyetohet. Nuk është me era e keqe që ka qenë, por e ruan atë idenë që je te Pazari i Ri. Tani edhe ky kompleksi ynë, me të dyja godinat, edhe me atë të marangozëve mund të riparohet dhe të dalë një gjë e shkëlqyer. Kam bindjen që të kanë gënjyer me ato 30 milionë euro. Maksimumi mund të vlejë 10-15 milionë euro”, u shpreh aktori./Opinion.al
