Kryeministri i Shqipërisë, Edi Rama, sot, ka kritikuar ashpër administratën shtetërore, duke e cilësuar si bandë.
Gjatë mbledhjes me qeverinë në qytetin e Vlorës, kryeministri Rama theksoi se një pjesë e inspektoriatit në shumë raste ka funksionuar me logjikën e bandave.
Ai deklaroi se numri i gjobave të vendosura dhe volumi i sulmeve të këtyre institucioneve ndaj njerëzve të pambrojtur është katastrofik dhe nuk ka sjellë ndonjë rezultat.
Sipas tij, ndryshimi i vetëm i një bande nga një inspektoriat, është se bandat janë të mbushura me banditë, kurse inspektoriati me njerëz të administratës.
Kryeministri Edi Rama ka mbledhur për dy ditë (të premten dhe të shtunën) qeverinë në Vlorë . Mbledhja vjen në vijim të porosisë së Ramës për ta zhvendosur qeverinë në rrethe. Ministrat do të kenë disa aktivitete në institucione me deputetët e zonës.
Kryeministri Edi Rama ka njoftuar më herët se qeveria do të zhvilloje çdo muaj mbledhjen në një prej qarqeve të vendit, ndërsa të njëjtën proçedurë edhe ministrat çdo muaj do të zhvillojnë takime me banorët e secilit qark për t’u njohur me problematikat e qytetarëve.
