Kreu i LIBRA-s, Ben Blushi, ka akuzuar opozitën shqiptare se në vend që të mbrojë popullin nga qeveria, mbron qeverinë nga populli. Përmes një shënimi në Facebook, Blushi merr një paralelizëm me atë se çfarë po ndodh me opozitën turke në Turqi dhe atë se çfarë duhej të ndodhte me opozitën shqiptare në Shqipëri.
Pavarësisht faktit se ai mbeti jashtë legjislaturës së XIV-të të Kuvendit të Shqipërisë, kreu i LIBRA-s, ka komentuar marshimin opozitar në Turqi, ndërsa e ka krahasuar këtë situatë me atë se çfarë po ndodh në vendin tonë. Sipas tij, Partia Demokratike, është shndërruar në një digë që mbron qeverinë nga populli i vet.
Ja mesazhi i Ben Blushit:
“MARSHIMI I LIRISË
Ky është Marshimi i Drejtësisë që po mbahet ne Turqi, ku qindra mijëra njerëz janë duke marshuar me ditë drejt Stambollit, për të protestuar kundër kuzimit të lirive dhe të drejtave të tyre. Të protestosh sot në Turqi nuk është e lehtë dhe kjo gjë po vështirësohet edhe në Shqipëri, ku një pjesë e opozitës është kthyer në një digë që mbron qeverinë nga populli i vet. Megjithatë edhe nëse nuk përfundon. Marshimi i Lirisë do arrijë një ditë në Turqi. Sikur të isha turk sot do isha duke ecur. Si shqiptar shpresoj të mos ndalojnë. Liria nuk ka kuj dhe as fe.”
