Ekipi i futbollit Triumph Akademi është kampionia e parë e “Futsall Junior” për moshën Under 11. Ekipi i drejtuar nga Mateo Metaj, dominoi turneun duke fituar të gjitha ndeshjet e zhvilluara në kompleksin Olimpik, e në fund duke merituar kupën e këtij kompeticioni që zhvillohet për herë të parë.
Skuadra, pjesë e Akademisë Triumph, drejtuer nga dyshja Andi Lila e Endri Renxa, tregoi një nivel të lartë futbollistik duke dominuar kundërshtarët dhe pas kalimit të grupeve, mundi në gjysmëfinale AP Dinamo dhe më pas në finale meritoi titullin kampion të edicionit të parë të Futsall Junior, duke mundur ekipin EMV Rinia të cilët u renditën me meritë të dytët.
Kampionati i futbollit në salla u organiza nga Federata Shqiptare e Futbollit dhe synon që të kthehet në një traditë edhe në vitet e ardhshme.
Triumph U11, ndërkohë në kampionatin e kësaj moshe është ekipi që dominon kampionatin me meritë dule shënuar vetëm fitore në fazën e parë dhe duke u shpallur me diferencë nga rivalët, kamipione e dimrit.
Ndërkohë për moshën Under 13, kampion i Futsall Junior, u shpall Partizani që me meritë mundi në finale Tiranën.
