Qyteti i Vlorës u trondit mbrëmë nga dy shpërthime të njëpasnjëshme tritoli. Shpërthimi i parë ka ndodhur rreth orës 02:30 në lagjen “Lirim” pranë komisariatit të policisë së Vlorës. Tritoli ishte vendosur në derën e apartamentit të 29 vjecarit, Fation Baka. Nëna e tij, prej tronditjes është shtruar në spital. Dëmet materiale janë të mëdha jo vetëm në banesën e tij, por edhe të fqinjvëve (shih pamjet). Në një prononcim për “BalkanWeb”, një nga fqinjët rrëfen se shpërthimi ishte i fortë dhe janë zgjuar të traumatizuar nga gjumi. Ai thotë se nëna e 30-vjeçarit që iu vendos tritoli është dërguar në spital nga trauma.
Shpërthimi i dytë ka ndodhur pranë Bashkisë së Vlorës, në lagjen “15 Tetori” me një orë direferencë nga shpërthimi i parë. Tritoli kësaj radhe i është vendosur apartamentit të 69 vjecarit G.C. Edhe aty dëmet materiale janë të konsiderueshme por fatmirësht nuk ka viktima.
Dëshmia e fqinjtit të 30 vjeçarit (shpërthimi parë):
“U ngritëm se dëgjuam një zhurmë të madhe. Kur u ngritëm pamë derën në tokë. Dera dhe xhami i banjës ishin thyer. Dritat u fikën. Asaj plakës në katin e gjashtë nga trauma që pësoi morën ambulancën dhe e dërguan në spital. 30 vite kemi këtu që jetojmë. Fqinjët nja 1 vit kanë që jetojnë këtu (atyre që iu vendos tritoli). Është e tmerrshme. Kjo dera këtu kishte xham dhe është thyer xhami. Na dridhet trupi nga frika dhe tmerri.
/Opinion.al
