Një sasi lënde plasëse ka shpërthyer në orët e para të mëngjesit të kësaj të premteje përpara banesës së shefit të Krimeve në Shkodër.
Si pasojë e shpërthimit të regjistruar rreth orës 03:50, në lagjen Dobraç, janë shkaktuar dëme materiale në banesën si dhe është dëmtuar një automjet.
Sakaq, disa orë pas ngjarjes, mësohet se kamerat e sigurisë pranë banesës kanë fokusuar një person që largohet me vrap, që dyshohet se është autori.
Policia ka nisur hetimet për ngjarjen, ndërsa sipas babait të Shpatit, dyshimet e tyre lidhen për shkak të detyrës të së birit, pasi ata nuk kanë konflikt me njeri.
