Të gjithë personat që biznesmeni Nuredin Suli akuzon se i kanë vendosur tritolin poshtë makinës kanë patur alibi të forta, duke mos lënë asnjë dyshim për përfshirjen e tyre në këtë ngjarje.
Tre persona nga familja Sulo me të cilët biznemsni 53-vjeçar ka një konflikt që vazhdon prej vitesh dhe që ka sjellë disa viktima kanë vërtetuar se ditën e ngjarjes nuk kanë qënë në Tiranë, duke rrëzuar pretendimet e Nuredin Sulit.
Pas marrjes së dëshmisë së tyre policia i ka lënë të lirë. Grupi hetimor dyshon se personat që kanë montuar bombën dhe vendosur në makinën e Sulit ,mund të jenë paguar nga dikush.
Hetuesit kanë një dyshim se lënda plasëse prej 500 gramësh mund të jetë vendosur në parkimin e qëndrës tregtare, ku mjeti ishte i parkuar. Megjithatë për ta saktësuar këtë fakt po kryen disa veprime që kanë të bëjnë me kqyrjen e të gjitha kamerave.
Tv Klan publikoi pamjet kur pakoja me lëndën shpërthyese shkëputet nga shasia e makinës së Nuredin Sulit. Eksplozivi ka qënë i ngjitur me magnet në automjet, ndërsa aktivizimi do të kryej nga një thirrje telefonike.
Është saktësuar se ne kartën SIM janë gjetur 2 thirrje të humbura, por nuk dihet nëse është bërë për provë apo për aktivizimin e lëndës plasëse. Informacione u janë kërkuar kompanive celulare, por nga veprimet e para numrat janë blerë në tregun e zi dhe nuk kanë përdorues të regjistruar.
Tv Klan
