Krimi godet sërish. Një 44-vjeçari i është vënë tritol në makinën e tij. Sipas policisë ngjarja ka ndodhur në fshatin Mallkuç, të Krujës, të shtunën.
44-vjeçari Flori Muça rreth orës 12:40 të së shtunës ka parë në tokë, poshtë makinës një qese të mbuluar me plasmas. Nga veprimet e para hetimore rezultoi se në qese kishte lëndë plasëse.
Por policia njoftoi zyrtarisht vetëm pasi lajmi doli në media. Sipas News 24, një shpërthim tjetër ka ndodhur dhe më 21 mars, në fshatin Kukel, në derën e rrethimit të banesës së shtetasit Marin Begeja. Nga shpërthimi ka pasur vetëm dëme materiale.
Pak ditë më parë, vendosja e një sasi tritoli në një shtyllë të tensionit të lartë solli reagimin e zyrtarëve më të lartë të Partisë Socialiste dhe të minsitrisë së Brendshme, e ndërsa për këto ngjarje policia hesht duke i fshehur me frikën se rrit shifrat për ngjarjet kriminale në vend. /Opinion.al
