Një sasi tritoli ka shpërthyer mesditën e sotme në një lokal në Shkodër. Deri më tani është raportuar vetëm për dëme materiale.
Lokali, të cilit iu vendos sasia e lëndës shpërthyese, mësohet të jetë në pronësi të Gjin Gurit.
Ky i fundit pak vite më parë është arrestuar nga policia pasi ka shkëmbyer zjarr me policinë në një aksion antikanabis në Dukagjin. Arrestimi u bë i mundur pak vite më parë në banesën e tij në fshatin Shosh të Dukagjinit, pas një operacioni të mirëorganizuar nga forcat e rendit dhe FNSH e Shkodrës.
Gjin Guri dyshohet edhe si kultivues I bimës narkotike në zonën e Dukagjinit në Shkodër. Gjatë kontrolleve të policisë në fshatin Shosh ai për të shmangur kontrollet në parcelat e tij të kanabisit qëlloi me armë zjarri drejt policisë.
Porsa i përket shpërthimit policia ka informuar se grupi hetimor ndodhen në vendngjarje për të zbardhur të tjera detaje./Opinion.al
