Ish-kryeministri Sali Berisha ka publikuar ditën e sotme një mesazh të ardhur nga një qytetar, i cili shprehet se është sulmuar me tritol dhe breshëri automatiku banesa simpatizantit të PD, Tonin Kolthi në Spiten të Lezhës.
Sipas mesazhit të publikuar nga Berisha, ngjarja ka ndodhur në rreth orës 02:00 të mëngjesit, ku persona të maskuar kanë sulmuar banesën. Po sipas këtij mesazhi, nga sulmi nuk ka pasur persona të lënduar.
Ndërkohë lidhur me ngjarjen e publikuar nga ish-kryeministri, policia deri më tani nuk ka dhënë asnjë informacion zyrtar.
Postimi i Berishës
Akt terrorist ndaj veprimtarit te PD ne Lezhe!
Te dashur miq, sot ne ora 2 te mengjesit terroriste te maskuar kane hedhur tritol dhe gjuajtur me bresheri automatiku drejt shtepise se veprimtarit te PD, Tonin Kolthi ne Spiten te Lezhes.
Duke shprehur solidaritetin tim me te madh ndaj Toninit, familjes se tij, banoreve te Spitenit denoj me ashpersine me te madhe kete akt kriminal, terrorist ndaj veprimtarit te PD dhe paralajmeroj Edvin Mafine dhe Pirinin ishpolic bandit se do pergjigjeni personalisht per çdo akt kriminal terrorist ndaj kundershtareve politik.
Lexoni me poshte mesazhin e qytetarit dixhital dhe shikoni fotot e maskave terroriste! sb
Doktor miremengjes,uroj te jeni mire me shendet ju dhe familja.Doja te te informoja:Sot ne oret e vona te nates rreth ore 2 pa 4 min ,persona te maskuar kane terrorizuar familjen e sekretarit te seksionit Tonin Kolthi ne fshatin Spiten te Lezhes,pasi kane gjuajtur me bresheri automatiku,po ashtu edhe kane hedhur lende plasese tritol ,ne oborr afer hyrjes se shtepise.
Duke terrorizuar ate vete dhe bashkeshorten e tij qe ndodheshin ne shtepi ne ato momente.Kamerat e sigurise kane filmuar te gjitha levizjet e dy personave te maskuar(sapo ti kem ti dergoj).Tonini thote qe nuk kam konflikte personale me askend,ndaj mendohet qe e gjitha te kete ndodhur per arsye politike.Bashkangjitur fotot e shtepise se Tonin Kolthit,dhe vendit ku ka shperthyer tritoli.Faleminderit./ Opinion.al E.Xh.
