Ish-ministri i Jashtëm i Shqipërisë Tritan Shehu ka treguar për marrëdhënien dhe njohjen e tij personale me ish-Kryeministrin italian Silvio Berlusconi, i cili u nda nga jeta të hënën.
Përmes një lidhjeje me Skype për emisionin Opinion, Tritan Shehu ka zbuluar dhuratën që i ka bërë ish-kryeministri italian.
Ai thotë se përveç titullit “Grande Ufficiale”, ka marrë nga Berlusconi një kollare me dedikimin e tij personal.
Tritan Shehu: Unë kam titullin shumë të lartë “Grande Ufficiale” të dekretuar nga presidenti i Italisë por të iniciuar nga qeveria e Berlusconit. Është një nga titujt më të lartë që Italia ka dhënë që nga viti 1790, ku deri më tani i janë dhënë 1200 personave. Për së dyti kam këtë kollaren, që ma ka dhuruar vetë kavalieri.
Blendi Fevziu: Po po edhe lidereve botërorë kur shkonte nëpër samite u dorëzonte nga 12 kravata dhe u thoshte ndërrojini se i keni të shëmtuara.
Tritan Shehu: Po edhe me dedikimin e tij personal./Opinion.al
