Që pas ndarjes së tyre të bujshme për shkak të tradhtisë së basketbollistit Tristan Thompson , ai dhe Khloe Kardashian kanë qenë gjatë gjithë kohës në vëmendjen mediatike. Një ndër çështje mjaft të diskutuara ka qenë edhe kujdesi për të voglën e tyre True.
Ditë më parë mediat e huaja u shprehën se Khloe ishte e mërzitur pasi Tristan ishte shumë i angazhuar dhe nuk po i kushtonte kohën e duhur së bijës.
Mirëpo duket se diçka e tillë nuk ka qenë e vërtetë, të paktën mesa kuptohet nga postimi në Twitter i Khloe, e cila i ka kthyer përgjigje një komentuese. Në postimin në Twitter komentuesja shprehet se
Khloe duhet të vazhdojë të rrisë vajzën e saj në mënyrën më të mirë që ajo di, pasi gjithçka e vogla ka nevojë është nëna e saj. Kardashian i ka kthyer këtë përgjigje këtij komenti: “Ai është një baba i mirë për të. Vogëlushja ime e ëmbël dhe e veçantë nuk do të jetë kurrë mes meje dhe atij. Mund tëpremtoj diçka të tillë,”-ka përfunduar Khloe në rrjete sociale./Xh.K/Opinion.al/
