Notarja ruse Yulia Efimova fitoi një medalje të artë në 100metërshin stil bretkose, por kjo ngjarje e shënuar u kthye në ankth për të kur u fishkëllye nga tifozët.
Ajo u ofendua nga publiku por edhe nga njëri prej kolegëve, Lily King, që i nxorri gishtin e mesit para nisjes së garës.
Ajo ishte dënua për doping pak kohë më parë dhe u pezullua 16 muaj. Para nisjes ajo fitoi në Arbitrazhin Sportiv dhe u shpall e pafajshme. I ashpër ka qenë me të edhe notari rekordmen, amerikani Michael Phelps.
“Të dopuarit nuk duhet të marrin pjesë në Olimpiadë, është një turp. Të shohësh njerëz të till që marrin pjesë në garë më thyen zemrën”, tha ai.
Vetë notarja është prekur shumë dhe ka shpërthyer në lotë pas garës.
“Pavarësisht medaljes që fitova, nuk ka gjë më trishtë për një sportist se sa të vërshëllehet nga publiku. Gjykata e tregoi që unë jam e pastër. Për rastin e parë e shleva dënimin”, tha Efimova.
Menjëherë pas ngjarjes ka reaguar Komiteti Olimpik Ndërkombëtar.
“Sportistët duhet të respektojnë kolegët e tyre pavarësisht çdo gjëje, ndryshe do të penalizohen”, thuhet në reagimin e KONit.
/Opinion.al
