Gjashtë kilogramë tritol i ndarë në 15 kallëpe është sekuestruar sot nga Policia e Sarandës.
Tritoli u gjet në dy qese plastike midis shkurreve në vendin e quajtur “Rruga e Kasolles”. Pas informacioneve se në zonë kishte lëndë eksplozive të fshehur, policia ka bërë krehjen dhe kontrollin e zonës dhe ka rezultuar në zbulimin e eksplozivit, poseduesi I të cilit ende nuk dihet. Por mësohet se lagja nr 4, ku është gjetur tritoli është problematike në drejtim të fshehjes dhe ruajtjes së lëndëve të rrezikshme plasëse.
Ajo ka disa precedent, ku mund të përmendet:
Në 9 maj 2016 gjetja e 12.9 kg tritol
Në 3 dhjetor 2015 gjetja e 32 kg tritol
Në 29 tetor 2015 gjetja e 400 gramë tritol
Në 30 tetor 2017 gjetja e 6 kg tritol
Në 10 mars 2015 gjetja e 1.2 kg tritol.
