Treni i pasagjereve të linjës Shkodër-Laç ka përplasur një grua pranë fshatit Zejmen të Lezhës.
Një grua e moshuar, identiteti i së cilës ende nuk është bërë i ditur ka mbetur e plagosur rëndë pasi u përplas nga treni i linjës Laç-Shkodër në fshatin Zejmen.
Nga burimet raportohet se mashinisti ka paralajmëruar me sinjalizim dhe ka tentuar të frenojë.
E moshuara është transportuar me urgjencë drejt Spitalit të Lezhës për të marrë ndihmë mjekësore. Nga të dhënat paraprake, mësohet se e moshuara ndodhet jashtë rrezikut për jetën.
Në vendin e ngjarjes kanë mbërritur ekspertë të policisë të cilët nisën hetimet.
