TIRANE- Dhjetëra tregtarë janë duke protestuar para Kryeministrisë. Ata janë kundër ligjit të ri të Procedurave Tatimore, i cili parashikon gjoba maramendese për bizneset. Sakaq protesta janë duke u zhvilluar paralelisht në disa qytete kryesore të vendit. Ata i kërkojnë Ramës të anulojë këtë ligj. Sakaq protesta ka renduar trafikun ne Tirane. Të gjitha rrugët që lidhen me Bulevardin janë të bllokuara nga policia.
Pjese nga peticioni i protestuesve
Ligji i Procedurave Tatimore i cili ka hyrë në fuqi, parashikon gjoba maramendese. Gjoba falimentuese. Te cilat i lihen ne dore inpektoreve militante. Atyre inspektore te cilet te gjithe e dime se interesin kryesor nuk kane arken e shtetit, por arken e shtepise se tyre. Kercenimi yne me faliment ndoshta do te rrise arkat shtepiake por kurrsesi nuk do te mbushe arken e shtetit.
Ne nuk mund te lejojme qe dikush i emeruar inspektor sepse realizoi planin e votave, te firmose falimentin tone. Te firmose denimin me borxh te femijeve tane. Te na perlaje me nje firme punen dhe mundin e te gjithe jetes. Te na mbylle pergjithnje qepenat. Te na vrase te ardhmen!
