Zëvendës kryeministri Erion Brace ka reaguar në lidhje me vendimin e gjykatës për të liruar administratorët e kompanive të transportit që akuzohen për falsifikimin e biletave të autobusëve. Ai e quan këtë një vendim të “drejtësisë së vjetër” dhe shprehet se me “këtë sistem drejtësie ka punë vetting”.
“Ne kemi pune me #DrejtesineeRe, për çdo shkelës ligji, pavarësisht pushtetit politik e ekonomik, miqve ne politike dhe biznes, parave e pronave qe kane; por edhe për çdo gjyqtar që është mu si këta, shkel ligjin duke e bere atë me gunga për punëtorët dhe magnet parash ne njërën ane, sfungjer ne anën tjetër për pronaret e paligjshëm!” shkruan Braçe.
Megjithëse reforma në drejtësi ka tre vite që është miratuar reagimi i zv/kryeministrit Braçe nënkupton se ende nuk ka një reformim të sistemit pasi ai e quan atë “të vjetër”. Vettingu i gjyqtarëve dhe prokurorëve ka ecur me ritme të ngadalta dhe ende nuk janë vettuar gjysma e gjyqtarëve. Nga ana tjetër reforma në drejtësi është cilësuar sukses nga partnerët ndërkombëtarë. Shefja e ONM pak kohë më parë deklaroi se gjyqtarëve “po tunden themelet” por kjo mesa duket nuk i ka penguar ata që në rastin që i referohet Braçe të japin një vendim të cilin ai e konsideron jo të ligjshëm.
Reagimi i Erion Braçes
KJO ESHTE #DREJTESIAEVJETER QE KEMI!Ky eshte produkti i kesaj #Drejtesie; Pronaret e administratoret ne shtepi, punetoret e tyre ne burg!
Cdo inspektor te #Tatimeve, cdo oficer te #PoliciseseShtetit qe merret me krimin ne ekonomi, cdo prokuror qe u morr drejtperdrejt me hetimin e kesaj ceshtjeje dhe qe sot ndjehet i tradhetuar nga nje pjese e shtetit ku sherben; dua ta falenderoj per superpunen e bere profesionalisht e ne perputhje me ligjin, dua ti them edhe qe duhet bere durim edhe pak, shume pak: NE VETTING KA RRADHE E RRADHA PO VJEN SHPEJT, ME SHPEJT SEC KETA KANE PARASHIKUAR NE PLANIN E TYRE TE BIZNESIT!
Duhet qe te gjithe bashke te bejme punen qe kemi nisur, ndershmerisht,
drejt e ne perputhje me ligjin!Keta perballe do jene me biznesin e tyre paligjshem qe ka shkaterruar nje sistem te tere drejtesie. Ne nuk kemi pune me keta; ME KETA KA PUNE VETTINGU!
Ne kemi pune me #DrejtesineeRe, per cdo shkeles ligji, pavaresisht pushtetit politik e ekonomik, miqve ne politike dhe biznes, parave e pronave qe kane; por edhe per cdo gjyqtar qe eshte mu si keta, shkel ligjin duke e bere ate me gunga per punetoret dhe magnet parash ne njeren ane, sfungjer ne anen tjeter per pronaret e paligjshem!
Nderkohe, do vijoj te komunikoj me te paligjshmit ne ekonomi; E keni kot, kot i digjni letrat, jemi nje hap para jush, kemi cdo gje ne leter, ze e figure! Mos u zhysni edhe me ne krim, do ju kushtoj shume shume me shtrenjte! Rruga e drejte, e ligjshme dhe korrekte ne pagimin e tatimeve e taksave, ju kushton shume me lire! /Opinion.al
