Gjykata e Pireut ka vendosur masën e sigurisë ‘arrest me burg’ ndaj tre të arrestuarve, pas sekuestrimit të 1.6 ton drogë shqiptare në Korfuz.
Mësohet se një shtetas shqiptar, një bullgar dhe një italian do të qëndrojnë në qelitë e paraburgimit.
Të tre kanë mohuar akuzat, duke thënë se nuk e dinin se skafi transportonte drogë, ndërsa shtetasi italian ka pretenduar se ka patentë drejtimi të skafit dhe se e kishin kontraktuar për të çuar gomonen nga Italia në Greqi.
Ndërkohë, shqiptari i arrestuar ka deklaruar se ishte pajtuar për punë që të ngarkonte disa sende në skaf dhe se nuk e dinte se ishte drogë.
