Tre studentë janë plagosur pas një sulmi me makinë në afërsi të qytetit francez jug-perëndimor të Toulouses.
Dy nga të plagosurit janë në gjendje të rëndë. Tre studentët janë me origjinë kineze.
Incidenti ndodhi jashtë një kolegji në periferi të Blagnac.
Mediat franceze, referuar burimeve të policisë, kanë raportuar se incidenti ishte i qëllimshëm, por sheferi, i moshës 28-vjeç, nuk ishte në listën e vëzhgimit të sigurisë.
Të njëjtat burime, tregojnë se ai është arrestuar.
Policia ka deklaruar se 28-vjeçari ishte i njohur për vepra të vogla penale, kryesisht për drogën.
Raporte ende të pakonfirmuara thonë se ai vuan nga probleme psikike.
Tre studentët e plagosur, të cilët janë rreth moshës 22 dhe 23-vjeç, janë dërguar në Spital në Toulouse.
